රාජිත සිංගප්පූරු ගෙන යන්න සැරසේ.. පවුලේ මෙහෙයුම් වේගවත් කෙරේ

හෘදයාබාධයක් ඇතිවූ බව කියමින් කොළඹ ලංකා පෞද්ගලික රෝහලේ හෘද සත්කාර ඒකකයේ රැඳී සිටින හිටපු ඇමැති රාජිත සේනාරත්න මහතා සිංගප්පූරුවට ගෙනයාම සඳහා ඔහුගේ පාර්ශ්වය උත්සාහ දරමින් සිටින බව වාර්තා වෙයි.

සේනාරත්න මහතාට මෘද සැත්කම සිදු කරන ලද්දේ සිංගප්පූරුවේ මවුන්ට් එළිසබෙත් රෝහලට නිසා එම වෛද්‍යවරුන් යටතේ ඉදිරි ප්‍රතිකාරද ලබා ගත යුතු බවට නිර්දේශ ලබා දෙන්නයි මේ අනුව ලංකා රෝහලේ වෛද්‍යවරුන්ගෙන් ඉල්ලා සිටීමට නියමිතව ඇත.

ඔහුගේ පවුලේ ආරංචි මාර්ග සඳහන් කරන්නේ රාජිත සේනාරත්න මහතා සිංගප්පූරුවට ගෙන යාම සඳහා කටයුතු වේගයෙන් සූදානම් වී ඇති බවයි.

කෙසේ වෙතත් රටින් පිටවීම තහනම් නර ඇති ඔහු අත්අඩංගුවට ගෙන අධිකරණයට ඉදිරිපත් කරන ලෙස දැනටමත් නියෝග කර ඇති අතර අධිකරණයේ අවසරයකින් තොරව විදේශ ගත වීමද තහනම් වී ඇත.

යම් ලෙසකින් ඔහු විදේශගත වන්නේ නම් ඔහුට අධිකරණයෙන් ඒ සඳහා අවසර ලබාගැනීම අනිවාර්ය වී ඇත.

Source: Lanka C News