වරෙන්තුවට කට්ටි පනිද්දී රාජිතට හෘදයාබාදයකින් අසාධ්‍යයි.. රෝහල්ගත කෙරේ.. හෘද සැත්කමකට සූදානම්

හිටපු අමාත්‍ය රාජිත සේනාරත්න මහතා මේ වනවිට කොළඹ නාරාහේන්පිට ලංකා පෞද්ගලික රෝහලට ඇතුළත් කර තිබේ.

හදිසියේ ඇති වූ හෘදයාබාධයක් නිසා ඔහු මෙසේ රෝහල් ගත කර ඇති අතර දැනට මන්ත්‍රීවරයා එම රෝහලේ හෘද රෝගී ඒකකයේ හදිසි සැත්කමක් සඳහා සූදානම් කරමින් ඇතැයිද සදහන්ය.

අත්අඩංගුට ගෙන අධිකරණයට ඉදිරිපත් කරන්නැයි වරෙන්තු නිකුත් කර ඇති සේනාරත්න මහතා දින කිහිපයක්ම පොලීසියටත් කට්ටි පනිමින් සිටියදී මෙසේ හෘදයාබාධයක් වී තිබේ.

හිටපු ඇමතිවරයා අත්අඩංගුවට ගැනීම සඳහා මේ වනවිටත් පොලිස් කණ්ඩායම් ක්‍රියාත්මක වී තිබේ.

කෙසේ නමුත් ඔහුගේ රෝගී තත්වය මත රෝහලෙන් බැහර ගෙන යාම අපහසු තත්වයක ඇතැයිද වාර්තා වේ.

Source: Lanka C News